මා නුඹ හට කෙසේ ආලය කරන්නද?
මම නුඹ හට ආලය කරන්නේ කෙසේද...
මගේ ආත්මයට යා හැකි දුරක්, ගැඹුරක්, ආයාමයක් වෙත් නම්,
පැවැත්මේ අගක් වෙත් නම්, කරුණාවේ නිමක් වෙත් නම්,
මිනිසාගේ දිනයට හිරු ගේ එලියේ උවමනාවේ පමණට,
මම නුඹට නිදහසේ ආලය කරමි
මිනිසා තම අයිතින් තකා වෙහෙසෙන පමණට,
පැසසුමේ පිවිතුරු බව ගැබ් වූ ලෙස,
සරාගීත්වයෙන් ඔප ගන්වා,
මගේ පැරණි කම්පාවන් හා කුඩා කළ භක්තියද,
මා දමා ගියා වූ ප්‍රේමයන් ගේ බලයද ද එක් කොට,
මාගේ හුස්ම පොද, සිනහාවද, කඳුළ ද, මාගේ මුළු දිවියමද එක් කොට
මාගේ දෙවියන් ඉඩ දුන හොත් මරණයෙන් මතුවද
මම නුඹට වඩාත් ආලය කරමි.
Translation of 'How Do I Love Thee’ by Elizabeth Barrett Browning
No comments:
Post a Comment