Sunday, January 5, 2014

ඔහු/ඇය



මම විශ්වාස කරන විදිහට ජීවිතයේ එක් වරක් යමෙකු හමුවේවි නුඹට, නුඹේ මුළු ලෝකයම උඩු යටිකුරු කරන... නුඹ වෙන කිසිම ආත්මයකට නොකියූ දේ ඔහු/ඇය හා බෙදා ගනීවි....

ඔවුන් නුඹ කියනා දෑ අසනවා පමණක් නොව නුඹ කියන දෑ ඇසීමට සත්තකින්ම කැමති වන්නේද වෙයි....

නුඹ, නුඹගෙ අනාගත අභිප්‍රායන්, සැබෑ  නොවන සිහින, ළඟා නොවිය හැකි අරමුණු හා ජීවිතය නුඹ හට දමාගැසූ දුක් කම්කටොළු වල අවනඩු ඔවුන් හට කියාවි...

සතුටක මුල් සහකරුවා/සහකාරිය ද වන්නේ ඔවුන් ය, දුකකදී  නුඹ හා එක් ව හැඬීමට හා නුඹගේ සතුටේදි එක්ව සිනාසීමටත් ඔවුන් පසුබට නොවේ...

ඔවුන් නුඹව කෙදිනක වත්  නුඹව, නුඹ ගැන මදිකමක් පිළිබඳ සිතිවිලි වලින් වෙලන්නේ ද නැත... ඔවුන්ට  නුඹ ආතුල්‍යයි, විශේෂයි, සුන්දරයි...

ඔවුන් ඉදිරියේ නුඹට නිසල බව මිස පීඩනයක්, ඊර්ෂ්‍යාවක් හෝ තරගයක් නැත. නුඹට නුඹ විය හැක්කේ ඔවුන් නුඹේ තත්‍යතාවයට ඇළුම් කරන නිසාවෙනි...

නුඹ, එදිනෙදා හමුවන සැලකිය නොයුතු ගීතයක්, මතකයක්, සටහනක් සිතේ නිධන් කොට  රැක ගනීවී... 

ජීවිතයේ වර්ණ විචිත්‍රවත් වේවි... පෙර නොවිරු ලෙස සිනහව නුඹගේ ජීවිතයේ කොටසක් වේවි...

වෙහෙසකාරී දිගු දිනයක ලැබෙන දුරකතන ඇමතුම නුඹට සහනයක් ගෙන දේවී... ඔවුන් අසල සිටින විට නොකැඩී ඇදෙන කතාව නොව නිසල බව සහනයක් වේවි... ඔවුන් ආසා කරන දෑ නුඹටත් ප්‍රීතියක් ගෙනදේවි... 

ජීවිතයේ සෑම මොහොතකම  ඔවුන්ගේ  නුඹේ සිහියට එන්නේ නොදැනුවත්වම ය... 

නුඹ, නුඹේ හදවත ඔවුන් කෙරේ පිරිනමන්නේ යම් දිනක නුඹට හඬන්නට වන බව දැන දනත් ඒ සා ආදරයක් නැවත නොලැබෙන බව දන්නා නිසාවෙනි...

නුඹේ සහනය වන්නේ... නුඹට සාදා හිතැති මිතුරෙකු/ මිතුරියක, ආත්මීය සහකරුවෙකු/ සහකාරියක ලැබෙනවා යන සිතුවිල්ලකි...

ජීවිතය පෙර නොවිරූ ලෙස වෙනස් වී ඇති බවක්, උද්දීපනයක් හා සෑම දෙයකම පලක් ඇති බවක් නුඹට  වැටහේවී....

නුඹේ එකම ප්‍රාර්ථනය ද ස්ථිරත්වය ද ඔවුන් නුඹේ ජීවිතයේ කොටසක් වී සිටීමය...


4 comments:

  1. හ්මි හුගාක් වෙලාවට....

    ReplyDelete
  2. සම්පුර්ණ ඇත්ත. වඩාත්ම කැමති //ඔවුන් ඉදිරියේ නුඹට නිසල බව මිස පීඩනයක්, ඊර්ෂ්‍යාවක් හෝ තරගයක් නැත. නුඹට නුඹ විය හැක්කේ ඔවුන් නුඹේ තත්‍යතාවයට ඇළුම් කරන නිසාවෙනි...// මෙන්න මේ කොටසට... මමත් අකමැති තරඟකාරි වෙන්න. අපි අයිති අපිටනම් ඇයි තරඟයක්? මේ පෙළියේ අන්තර්ගතයට තමයි මුලු ලිපියෙන්ම සිත් ගත්ත වඩාත්ම එකඟ වෙන කොටස.

    ReplyDelete
  3. හරිම දාර්ශනිකයි නෙව..

    ReplyDelete
  4. මේ ලෝකෙ තැන් තැන් වල... පුංචි පුංචි විදිහට ආදරේ වෙනු වෙන් මොන මොන දේවල් සිදු වෙනවා ඇත්ද පාශා..

    ReplyDelete

Related Posts Plugin for WordPress, Blogger...